Qazaqstanǵa bilim alý úshin keletin reseılikter sany kúrt artýy múmkin – Saıasat Nurbek
«Biz ol jaqtan oqýyn jalǵastyrýǵa keletin óz otandastarymyzdyń da úlken aǵynyn kútip otyrmyz. Osynda kelip, bilim alý múmkindikterin izdestiretin Qazaqstan azamattary da, ózge elderdiń azamattary da kóp bolady. Birinshi kezekte bul Reseıdiń 11 sáýirden bastap Bolon protsesi uıymyna músheligin toqtatýymen baılanysty. Al bizdiń el 1 sáýirde ǵana osy uıymnyń teń tóraǵalyǵyn qabyldaǵan bolatyn. 5-6 qazanda Nur-Sultanda úlken konferentsııa bolady. Mınıstr retinde men Bolon protsesi uıymynyń teń tóraǵasy bolyp eseptelemin. Sondyqtan da osyndaı boljamymyz bar. Biraq ázirge úlken aǵyn kórip otyrǵan joqpyz. Tynysh qana daıyndala beremiz», - dedi mınıstr.
Sondaı-aq, ol dál qazir Reseı Federatsııasynan neshe talapker Qazaqstanda joǵary bilim alýǵa ótinish bildirgeni týraly málimeti joq ekenin aıtty.
«Ondaı derek ázirge joq. Aqyryndap ondaı jaǵdaıǵa daıyndalyp jatyrmyz. Reseıde oqyp júrgen azamattarymyz da qaıtyp kelýi múmkin», - dedi Saıasat Nurbek.
L.Gýmelev atyndaǵy Eýrazııa ulttyq ýnıversıtetindegi joǵary oqý oryndaryna qujat qabyldaý naýqanynyń barysymen tanysqan mınıstr bıyl memlekettik jáne ulttyq ýnıversıetterde oqý aqysy byltyrǵy oqý jylynyń deńgeıinde qalatynyn aıtty.
