Qazaqstanǵa Benın Respýblıkasynyń Syrtqy ister mınıstri keldi
ASTANA. KAZINFORM – Qazaqstanǵa Benın Respýblıkasynyń Syrtqy ister mınıstri Olýshegýn Adjadı Bakarı keldi.
Aıta keteıik, Qazaqstan men Benın Respýblıkasy arasyndaǵy dıplomatııalyq qarym-qatynas 2011 jyly 13 qyrkúıekte bastaldy.
Joǵary mártebeli mınıstr myrza, qurmetti delegatsııa músheleri, Qazaqstanǵa qosh keldińizder!. Men búgingi tarıhtaǵy alǵashqy saparyńyzdy eki eldiń yntymaqtastyǵyn nyǵaıtýǵa baǵyttalǵan mańyzdy qadam dep qarastyramyn. Bul basqosýdyń mán-mańyzy zor. Sizdiń saparyńyz eki el arasyndaǵy qarym-qatynasty damytýǵa tyń serpin bereri sózsiz, - dedi QR Premer-mınıstriniń orynbasary – Syrtqy ister mınıstri Murat Nurtileý mártebeli meımanmen kezdesý barysynda.
Qazaqstanǵa sapary barysynda Benın Respýblıkasynyń Syrtqy ister mınıstri birqatar óndiris ornynyń jumysymen tanysady.
- Qol jetkiziletin barlyq ýaǵdalastyq Qazaqstan-Benın yntymaqtastyǵyn nyǵaıta túsýge yqpal etetinine kámil senemin, - dep tolyqtyrdy SІM basshysy.
Óz kezeginde Benın Respýblıkasynyń Syrtqy ister mınıstri Olýshegýn Adjadı Bakarı Qazaqstanǵa kelgenin qurmet tutatynyn aıtty.
- Búgin Qazaqstan Respýblıkasynyń astanasy Astana qalasynda bolý – men úshin úlken qurmet. Óz komandamnyń atynan bizge kórsetilgen alǵashqy kúnnen bastap jyly qabyldaýyńyz úshin alǵys bildirgim keledi. Bul bizdiń qarym-qatynasymyzdyń damyp kele jatqandyǵynyń aıǵaǵy, - dedi mártebeli meıman.
Odan ári Olýshegýn Adjadı Bakarı Qazaqstanǵa kelýdegi maqsatyn aıtty.
- Bizdiń Qazaqstanǵa kelýdegi maqsat – ekijaqty qarym-qatynastyń damýyna serpin berý. Men Qazaqstan týraly kóp estidim jáne búgin osy jerde bolý, eldiń jetistigi men tabysyn óz kózimmen kórý men úshin zor qýanysh. Bul – Qazaqstan Respýblıkasy Prezıdenti men Úkimetiniń tabysty jumysynyń nátıjesi. Osy jetistikpen sizderdi jáne búkil Qazaqstan halqyn shyn júrekten quttyqtaımyn, - deıdi Benın eliniń syrtqy ister mınıstri.
Eske salaıyq, bıyl 10 qańtarda Prezıdent dıplomatııalyq qyzmetke qatysty zańǵa qol qoıdy.
Sondaı-aq Kazinform agenttiginiń halyqaralyq sholýshysy Qazaqstannyń búgingi dıplomatııasynyń erekshelikterine taldaý jasaǵan edi.