Qazaqstanǵa BEK-tiń organdaryn ınstıtýalızatsııalaý jóninde usynys ázirleý júkteldi - Ó.Shókeev
ANA. 29 qańtar. QazAqparat /Arman Asqarov/ - Keshe, 28 qańtarda Máskeýde ótken Keden odaǵy komıssııasynyń otyrysynda Qazaqstanǵa bir aıdyń ishinde Birtutas ekonomıkalyq keńistik organdaryn ınstıtýalızatsııalaý jóninde usynys ázirleý júkteldi.
Bul týraly Úkimettiń búgingi otyrysynda QR Premer-Mınıstriniń orynbasary Ómirzaq Shókeev málim etti.
Onyń habarlaýynsha, Qazaqstanǵa bir aı merzim ishinde Birtutas ekonomıkalyq keńistik organdaryn ınstıýalızatsııalaý boıynsha tıisti usynystardy engizý mindeti júkteldi. «Qazirgi kezde Kedendik odaq komıssııasy tek taýar saýdasymen ǵana aınalysý kerek degen oı bar. Al qyzmet, kapıtal men eńbekpen BEK shuǵyldaný qajet. Mine, osy boıynsha biz belgili bir mehanızmdi usynýǵa tıispiz. Eýropalyq odaq komıssııasy onyń analogy bolýy shart. Onyń ishinde Kedendik odaq komıssııasy bir baǵytqa ǵana jaýap beretin derektorat ispetti bolýy qajet. Osyǵan baılanysty biz Eýrazııalyq ekonomıkalyq qaýymdastyqtyń barlyq qurylymdaryn ońtaılandyryp, bir aıdyń ishinde ózimizdiń usynystarymyzdy engizýmiz qajet», - deıdi Ó.Shókeev.
Osy oraıda QR Premer-Mınıstri arnaıy jumys tobyn quryp, atalǵan máseleni Mınıstrler kabınetiniń qaraýyna engizýdi tapsyrdy.
