Qazaqstanǵa basqa elderden polıomıelıt vırýsynyń kelý qaýpi áli de saqtalyp otyr - DSM
yrkúıektiń 10-y. QazAqparat /Ernur Aqanbaı/ - Qazaqstanǵa basqa elderden polıomıelıt vırýsynyń kelý qaýpi áli de saqtalyp otyr. Bul týraly búgin Astanada «Bnews.kz» portalynda ótken onlaın konferentsııada QR Densaýlyq saqtaý vıtse-mınıstri Salıdat Qaıyrbekova aıtty.
«Dúnıejúzilik densaýlyq saqtaý uıymynyń derekteri boıynsha, aǵymdaǵy jylǵy tamyzdyń 20-da Tájikstanda polıomıelıtti juqtyrǵan 455 oqıǵa tirkeldi. Bul oqıǵanyń 20-sy ólimmen aıaqtaldy. Al, Reseıde bul aýrýdyń 8 oqıǵasy tirkeldi. Polıomıelıttiń qandaı aýrý ekenin halyqqa túsindirýde QR Densaýlyq saqtaý mınıstrligi aıtarlyqtaı jumys júrgizdi. Polıomıelıt vırýsy uzaq qashyqtyqtardan óte tez ótedi, ol shekara degendi bilmeıdi. Búginde dúnıe júzi boıynsha halyqtyń júrip-turýy joǵary ekenin eskersek, basqa elderden bizdiń elge polıomıelıt vırýsynyń keletin qaýpi áli de saqtalyp otyr», dedi S. Qaırybekova.
Onyń sózine qaraǵanda, polıomıelıt vırýsynyń arnaıy emi joq. Sondyqtan da bul aýrýdyń tek ımmýnızatsııa arqyly ǵana aldyn-alýǵa bolady. Munda belgııalyq vaktsına qoldanylady. Bul Dúnıejúzilik densaýlyq saqtaý uıymymen sertıfıkattalǵan. Ony búkil álemde qoldanýda. Sondyqtan onyń sapasyna qatysty kúmán bolmaýy tıis.
