Qazaqstanǵa Ázerbaıjannan 3 myń tonna benzın ákelinedi

ASTANA. QazAqparat - Qazaqstan Ázerbaıjannan úsh myń tonnadan astam AI-92 benzınin jetkizý týraly kelisimshartty bekitti, dep habarlady QR Energetıka mınıstriligine siltememen Trend.az.

Benzındi jetkizý týraly kelisimshart qazan aıynda Lanturno Management S.A halyqaralyq kompanııasymen jasalǵan bolatyn. Ol ázerbaıjan benzınin Reseı terrıtorııasy arqyly jetkizedi.

Qazaqstan kelisim-shart jasalǵan munaı ónimderiniń qunyn tóledi, alaıda 21 qazanda benzındi tıep, jetkizý jumystary áli júzege asyrylmady.

Benzın Qazaqstan úkimeti "Naryqtaǵy keıbir munaı ónimderin turaqtandyrý týraly máseleleri týraly" qaýlysy qabyldanǵannan keıin jetkiziledi dep kútilýde.

Osyǵan deıin Qazaqstan AI-92 markaly benzındi jetkizý boıynsha kelissózderdi Ázerbaıjan, Túrkimenstan, Reseı, Belarýs, Qytaı jáne basqa eldermen júrgizip jatyr, dep habarlanǵan bolatyn.