Qazaqstanǵa Azerbaijan Airlines áýekompanııasynyń ókilderi keldi
ASTANA. KAZINFORM – Derekterdi usyný jáne azamattyq avıatsııadaǵy jáne eksperımenttik avıatsııadaǵy avıatsııalyq oqıǵalar men ıntsıdentterdi tergeý qaǵıdalaryna sáıkes Kólik mınıstrligi avıatsııalyq oqıǵany tergeý jónindegi komıssııa qurdy.
Vedomstvonyń kóliktegi oqıǵalar men ıntsıdentterdi tergeý departamentiniń qyzmetkerleri avıatsııalyq oqıǵa ornynda. Tergep-tekserýdiń qyrdaǵy kezeńi aıasynda jumystar júrgizilip jatyr.
QR Kólik mınıstrliginiń málimetinshe, Qazaqstanǵa Ázerbaıjan Respýblıkasy Azamattyq avıatsııa memlekettik agenttiginiń delegatsııasy, sondaı-aq Azerbaijan Airlines (AZAL) avıakompanııasynyń ókilderi keldi. Jumystar Ázerbaıjannyń avıatsııalyq bıligimen birlese júrgizilip jatyr.
Sondaı-aq, Qazaqstanǵa Embraer áýe kemesin óndirýshi kompanııa ókilderi jáne CENIPA (avıatsııalyq oqıǵalardy tergeý jáne aldyn alý ortalyǵy, Brazılııa) ushyp keledi.
Aqtaý qalasyna Premer-Mınıstrdiń orynbasary Qanat Bozymbaev bastaǵan Úkimettik komıssııa quramynda QR Kólik mınıstri Marat Qarabaev, Kólik vıtse-mınıstri Talǵat Lastaev, kóliktegi oqıǵalar men ıntsıdentterdi tergeý departamentiniń dırektory Nurjan Malaev, Azamattyq avıatsııa komıtetiniń tóraıymy Saltanat Tompıeva, «Qazaeronavıgatsııa» RMK bas dırektory Nurjan Ahmetov bardy.
Eske salsaq, Ázerbaıjan elordasy Bakýden Reseıdiń Groznyı qalasyna baǵyt alǵan Azerbaijan Airlines ushaǵy Qazaqstan aýmaǵynda apatqa ushyrady.
Aqtaýdaǵy ushaq apatynyń hronologııasy jarııalandy.
Aqtaýdaǵy áýe apatynan mert bolǵan qazaqstandyqtar anyqtaldy.
Keıinnen ushaq apatynan qaza tapqan qazaqstandyqtardyń otbasylaryna qarjylaı kómek kórsetiletini aıtyldy.