Qazaqstanǵa arnalǵan altyn iPhone-dar birinshi kúni-aq satylyp ketti
ASTANA. QazAqparat - Báıterek beınelengen altyn iPhone-dardyń birinshi partııasy dereý satylyp ketti. Smartfondardyń quny 790 myń teńgeni qurady. Italıandyq óndirýshiler Qazaqstanǵa arnap 97 altyn telefondy shyǵarýǵa bel býypty, dep habarlady diapason.kz
Qosymsha 97 telefon shyǵarýy tegin emes. 1997 jyly boı kótergen Báıterektiń bıiktigi 97 metrdi quraıdy. Telefon korpýsynda Beıbitshilik jáne Kelisim saraıy kórinis tapty. Sonymen qatar apparat "Dedicato al Grande Kazakistan da Perla Penna" jazbasymen bezendirilgen. Smartfondy shyǵarýshylar Kazakistan sózi ózgeshe jazylǵanyn jazba ıtalıan tilinde jazylǵan dep túsindirdi. Caviar klıentteri qosymsha telefondardyń shyǵýy týraly habardy qýana qarsy aldy. Endi eldiń taǵy 97 patrıoty bul telefonǵa qol jetkize alatyn boldy. Smartfon ásrese Astananyń bıznes-elıtasy arasynda qyzyǵýshylyq týdyrdy.
Caviar qazaqstandyq klıentteriniń arasynda belgili boksshy Serik Sápıev, bıznesmender, saıasatkerler men mádenıet qaıratkerleri bar, dep habarlady kompanııanyń baspasóz qyzmetinen.
