Qazaqstanǵa amerıkalyq vaktsına jetkizetin múmkindikter bar – AQSh elshisi

NUR-SULTAN. QazAqparat – Qazaqstanǵa amerıkalyq koronavırýsqa qarsy vaktsınalardy, sonyń ishinde Pfizer ónimderin jetkizý múmkindigi bar. Bul týraly Qazaqstandaǵy AQSh elshisi Ýılıam Mozer aıtty, dep habarlaıdy QazAqparat tilshisi.

Elshi Qazaqstanǵa Pfizer vaktsınalaryn jetkizý boıynsha kelissózderden beıhabar ekenin aıtty.

«Men amerıkalyq vaktsınalardy satyp alý múmkindigi bar ekenin bilemin. Árıne, AQSh jaqtaýshysy retinde Qazaqstannyń bizdiń vaktsınalardy satyp alǵanyn qalar edim. Sebebi men olardy tıimdi jáne óte jaqsy vaktsınalar dep oılaımyn», - dedi Ý. Mozer AQSh elshiligi uıymdastyrǵan onlaın dóńgelek ústelde tilshi suraǵyna bergen jaýabynda.

Sonymen birge, elshi vaktsınalardy 2022 jyldan erterek merzimde jetkizý týraly suraqtarǵa jaýap berdi.

«Meniń oıymsha, jetkizý múmkindigi bar. Biraq bul óte tehnıkalyq jáne kommertsııalyq másele. Men naqty aıta almaımyn (...). Meniń oıymsha, AQSh-ta bizdiń azamattarymyzdy qamtý úshin vaktsınalar jetkilikti», - dedi elshi.