Qazaqstanǵa alǵash saparlaǵan EYDU bas hatshysy el bıligimen kezdespek

ASTANA. QazAqparat - Qazaqstanǵa alǵash ret saparlaǵan Ekonomıkalyq yntymaqtastyq jáne damý uıymynyń (EYDU) bas hatshysy Anhel Gýrrıa elimizdiń  bılik ókilderimen birqatar ekijaqty kezdesý ótkizýdi josparlap otyr, dep habarlaıdy QazAqparat.

«Búgin Premer-Mınıstrmen, Premer-Mınıstrdiń orynbasarymen, mınıstrlermen kezdesýim josparlanǵan. Erteń Almatyǵa baryp, Qazaqstan Úkimeti men  EYDU birlesip uıymdastyratyn Eýrazııa aptalyǵyn ashatyn bolamyz. Ol aýqymdy is-shara bolmaq. Oǵan óńir elderiniń ókilderi, halyqaralyq uıymdar qatysady», - dedi Anhel Gýrrıa Aqordada QR Memlekettik hashysy Gúlshara Ábdiqalyqovamen kezdesýi  aldynda BAQ ókilderine bergen suhbatynda.

Sonymen qatar ol búgin QR Parlamentinde bolyp, elimizdiń zań shyǵarýshy organy ókilderimen birlese jumys isteýge bolatyn  baǵyttardy  jan-jaqty talqyǵa salatyndyǵyn atap ótti.

«Biz  túrli baǵyttarda jumys isteımiz. Degenmen bilim berý men densaýlyq saqtaý salasy negizgi baǵyt bolmaq. Qazaqstan salyq salýdan jaltarýǵa, jemqorlyqqa qarsyn kúreste negizgi seriktesimiz  sanalady. Jańa bıznes qurý úshin erejeler ázirleý, jańǵyrtylǵan reglamentter men normatıvterdiń bolýy  baǵyttarynda da birlese jumys isteýge umtylamyz.  Osy turǵydan kelgende kásibı tehnıkalyq daǵdynyń bolýy aıryqsha mańyzǵa ıe. Óıtkeni, durys daǵdy men bilimniń arqasynda ǵana  Qazaqstan ekonomıkasynyń damýyna qol jetkize alamyz. Ásirese, tsırflandyrý dáýirinde, tsıfrlyq ekonomıka kezeńinde ómir súrip jatqandyqtan onyń mańyzdylyǵy arta túsedi», - dedi Anhel Gýrrıa.