Qazaqstanǵa alǵash ret kelgen álemdik djaz juldyzdary «Aqsaı» respýblıkalyq klınıkalyq balalar aýrýhanasynda bolyp qaıtty
ALMATY. 4 qarasha. QazAqparat /Názıra Eleýhan/ - AQSh-tan keshe kelgen «Mosaic Project» djaz tobynyń mýzykanttary Terrı Laın Kerrıngtonnyń bastamasymen «Aqsaı» respýblıkalyq klınıkalyq balalar aýrýhanasynda emdelip jatqan balalarǵa baryp qaıtty.
Onda mýzykanttar ózderiniń qaıyrymdylyq kontsertteriniń sheńberinde emhanada jatqan balalarmen tildesip, ákelgen syı-syıapattaryn berip, balalar bólmelerin túrli damytpaly oıynshyqtarmen toltyryp qaıtty.
Juldyzdar kezdesý barysynda balalarmen tez til tabysyp, áıgili Jingle Bells ánin birige aıtty.
«Qaıyrymdylyq jasaýdyń úlken máni men mańyzy bar. Meıirimdilik, jaqsylyq jasaýdan men sheksiz lázzat alamyn, jaqsy án aıtyp, izgili is istegen saıyn men odan qýat alamyn. Sondyqtan, biz árqashan qaıyrymdylyq isterdi qoldap otyramyz, qaıyrymdylyq sharalarǵa jıi qatysamyz»,-dedi ánshi Nona Hendrıks.
