Qazaqstanǵa álemdik tennıs juldyzdary Dınara Safına men Elena Lıhovtseva keledi
ASTANA. 2 sáýir. QazAqparat - Qazaqstanǵa álemdik tennıs juldyzdary Dınara Safına men Elena Lıhovtseva keledi. Bul aqparatty QR Tennıs federatsıaısynyń baspasóz qyzmeti taratyp otyr.
«Qazaqstanda balalar tennısiniń tanymaldyǵyn arttyrý ári damytý maqsatynda Tennıs federatsııasy álemdik tennıs juldyzdary Dınara Safına men Elena Lıhovtsevanyń Qazaqstanǵa saparyn uıymdastyrady», - delingen habarlamada.
Olardyń sapary aıasynda Almaty men Astana qalalarynda baspasóz máslıhaty uıymdastyrylyp, qoltańda jáne foto sessııa ótkiziledi.
Dınara Safına álemniń birinshi raketkasy atanǵan ekinshi reseılik sportshy. Ol WTA týrnıriniń jeke syndarynda 12 ret, juptyq syndarynda 8 ret jeńiske jetken. 2008 jly Beıjiń Olımpıadasynda kúmis júldeni oljalaǵan. Dınara 2011 jyly sporttyq mansabyn aıaqtady.
Elena Lıhovtseva Reseıdiń eńbek sińirgen sport sheberi. Ol Úlken dýlyǵa týrnırlerinde 2 ret jeńimpaz atanyp, 7 márte aqtyq synǵa shyqqan. WTA -nyń 30 týrnırinde jeńimpaz atanǵan.
