Qazaqstanǵa AQSh-tan poshtamen elektrondy temeki jóneltilgen

ASTANA. KAZINFORM - Qarjy monıtorıngi agenttiginiń Almaty qalasy boıynsha departamenti psıhotroptyq zattardy iri kólemde memlekettik shekara arqyly zańsyz ótkizý faktisin tergep-tekserip jatyr

Qalalyq avıatsııalyq kólik prokýratýrasynyń úılestirýimen «Jetisý» keden beketiniń aımaǵynda psıhotroptyq zat – tetragıdrokannabınol (TGK) bar 84 dana elektrondy temeki salynǵan poshta jóneltilimderi anyqtaldy.

Jedel-izdestirý sharalarynyń nátıjesinde taǵy 103 dana elektrondy temeki jáne ıisi bar qońyr tústi suıyqtyq quıylǵan 42 klıromaızer tabylyp, tárkilendi.

Bul sálemdemeler Qazaqstanǵa AQSh-tan halyqaralyq poshta arqyly kelgen.

Sot qaýlysymen osy qylmysty jasady degen kúdikke ilingen adamǵa qatysty 2 aı merzimge qamaýǵa alý túrindegi bultartpaý sharasy tańdaldy.

Sotqa deıingi tergeý jalǵasýda.

QR QPK 201-baby tártibinde, tergeý múddesine saı ózge málimetter jarııa etilmeıdi.