Qazaqstanǵa ákelinetin ishimdiktiń kólemi artyp keledi - Kedendik baqylaý komıteti

ASTANA. 24 qazan. QazAqparat - Qazaqstanǵa ımporttalatyn alkogol ónimderiniń kólemi artyp keledi.

Bul týralybúgin QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda QR Qarjy mınıstrligi Kedendik baqylaý komıtetiniń tóraǵasy Ǵosman Ámrın málim etti.

Onyń habarlaýynsha, sońǵy toǵyz aıdyń ishinde Qazaqstan 83,7 mlrd. AQSh dollaryna saýda-sattyq jasady. 60,3 mlrd. - eksport, al ımport 23,4 mlrd. dollardy qurady. «Sonyń ishinde alkogol ónimderi de bar. Shynyn aıtsaq, ótken jylmen salystyrǵanda, Qazaqstanǵa ákelingen ishimdiktiń kólemi 22,7 paıyzǵa artty», - dep atap kórsetti Ǵ.Ámrın.