Qazaqstanǵa AES salýdan úmitti venderlerdiń qataryna eki amerıkalyq kompanııa kirýi múmkin

Energetıka mınıstri Almasadam Sátqalıev Qazaqstanǵa AES salýdan úmitti eki amerıkalyq kompanııanyń usynysyn pysyqtap jatqandaryn aıtty, dep habarlaıdy Kazinform. 

Májilistiń jalpy otyrysynan keıin BAQ ókilderiniń saýalyna jaýap bergen mınıstr Reseı Federatsııasynyń Prezıdenti Vladımır Pýtınniń qazaqstandyq «Kazahstanskaıa pravda» gazetine bergen suhbatyna pikir bildirdi.

«Rosatom» kompanııasy – venderlerdiń biri. «Rosatom» kompanııasynan bólek frantsııalyq IDF, Ońtústik Koreıa men Qytaı Halyq Respýblıkasynyń kompanııasy bar ekenin bilesizder. Sondaı-aq biz amerıkalyq General Electric, NuScale kompanııalarynyń usynystaryn qosymsha qarastyryp jatyrmyz. ıAǵnı, shaǵyn modýldi reaktorlar ornatý tehnologııasyn zerttep jatyrmyz. Buǵan deıin aıtqanymda, sheshim referendýmnan keıin sheshiledi», - dedi Almasadam Sátqalıev.

Mınıstr vedomstvo bul jumystyń bárinen ýaqytyly málimet taratyp otyratynyn aıtty.

«Qazirgi tańda mınıstrlik referendýmǵa daıyndyqpen aınalysyp jatyr. Sonyń aıasynda óz sarapshylarymyzdy usynyp, halyqpen kezdesetin toptarǵa bazalyq málimetterdi berdik», - dedi Energetıka mınıstri.