Qazaqstanǵa Abý Dabıdiń Taq murageri keledi

ASTANA. KAZINFORM —  11-12 mamyr kúnderi elimizge Abý Dabıdiń Taq murageri resmı saparmen keledi. Bul týraly Aqordanyń baspasóz qyzmeti habarlady. 

11-12 mamyr kúnderi elimizge Abý Dabıdiń Taq murageri sheıh Haled ben Muhammed ben Zaıd Ál Nahaıan resmı saparmen keledi.

— Prezıdent Qasym-Jomart Toqaevpen kelissóz barysynda Qazaqstan men BAÁ arasyndaǵy strategııalyq seriktestikti nyǵaıtý perspektıvasy talqylanyp, birqatar ekijaqty qujatqa qol qoıylady, — delingen Aqorda habarlamasynda.

Buǵan deıin Qasym-Jomart Toqaev Venesýela Prezıdentin Qazaqstanǵa memlekettik saparmen kelýge shaqyrǵan edi.