Qazaqstanǵa 87 eldiń azamaty vızasyz kele alady

ASTANA. KAZINFORM – Qazaqstanǵa 87 eldiń azamaty vızasyz kele alady, taǵy 107 eldiń azamaty elektrondy vızamen kire alady. Bul týraly Týrızm jáne sport mınıstri Erbol Myrzabosynov Úkimettiń búgingi otyrysynda baıandady.

− Týrıstiń joly áýejaıdan bastalyp, qonaq úı, meıramhana men týrıstik nysandarǵa deıin jalǵasady. Osy aralyqta árbir kezeńde qolaıly jaǵdaı jasalý qajet. Sońǵy jyldary Qazaqstan sheteldik týrıster úshin anaǵurlym ashyq elge aınaldy. Búginde 87 eldiń azamaty Qazaqstanǵa vızasyz, taǵy 107 eldiń azamaty elektrondy vızamen kire alady, − dedi sala mınıstri.

Sonymen birge, áýe qatynasy da keńeıip keledi. «Ashyq aspan» saıasatynyń arqasynda ótken jyly 22 jańa marshrýt iske qosyldy. Bıyl taǵy 32 marshrýt josparlanyp otyr.

− 2024 jyly elge 15,3 mıllıon týrıst shetelden kelgen. Sondaı-aq, 10 mıllıonnan astam ishki týrıst el ishinde saıahattaǵan. Osyny eskere otyryp, ásirese jazǵy maýsymǵa barlyq deńgeıdegi organdar muqııat daıyndalýy qajet, − dedi E. Myrzabosynov.

Buǵan deıin Almaty men Astanadan Alakólge jetý jeńildeı túskeni habarlanǵan edi. Úrjar aýdanyna alǵash ret «SCAT» áýe kompanııasynyń ushaqtary qatynaı bastady.

Sondaı-aq, Qytaıdan kelgen týrıster legi 9 esege artqan.