Qazaqstanǵa 6 mamyr kúni kelgen sheteldikterdiń barlyǵynda PTR anyqtama bolǵan
NUR-SULTAN. QazAqparat - 2021 jyldyń 6 mamyrynda Qazaqstanǵa BAÁ, Mysyr, Maldıv Respýblıkasy, Grýzııa, Ýkraına, Túrkııa, Reseı, Ózbekstan jáne Qyrǵyzstannan 26 halyqaralyq áýe reısi keldi.
Atalǵan reıstermen elge 3 828 avıajolaýshy keldi, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.
Onyń ishinde:
Almaty qalasynyń áýejaıyna – 13 reıs, 1 856 jolaýshy;
Nur-Sultan qalasynyń áýejaıyna – 7 reıs, 1 241 jolaýshy;
Shymkent qalasynyń áýejaıyna – 3 reıs, 393 jolaýshy;
Atyraý qalasynyń áýejaıyna – 1 reıs, 44 jolaýshy;
Aqtaý qalasynyń áýejaıyna – 1 reıs, 185 jolaýshy;
Oral qalasynyń áýejaıyna – 1 reıs, 109 jolaýshy;
Barlyq jolaýshylar COVID-19-ǵa PTR testileý týraly anyqtamamen kelgen.
