Qazaqstanǵa 38℃ aıaz kele jatyr

ASTANA. KAZINFORM — Qazgıdromet mamandary 15-17 aqpanǵa arnalǵan úsh kúndik aýa raıy boljamyn jarııalady. 

Soltústik-batystan arktıkalyq antıtsıklon Qazaqstan aýmaǵyna jyljıdy. Sóıtip respýblıkanyń kóp bóligin birtindep qamtıdy.

Ol aıazdy aýa raıyn ákeledi.

15 aqpan — shyǵysta, 16 aqpan — elimizdiń ońtústik-shyǵysynda atmosferalyq fronttardyń áserinen jaýyn-shashyn, keı ýaqytta qatty jaýyn-shashyn (jańbyr, qar) jaýady. 

Kóktaıǵaq, burqasyn soǵady.

Batysta aýa temperatýrasy túnde 12-30 aıazǵa deıin, soltústik-batysta, soltústikte jáne ortalyqta 30-38 aıazǵa deıin, 16 aqpan shyǵysta 18-35 aıazǵa deıin, ońtústikte 10-30 aıazǵa deıin, 17 aqpanda ońtústik-shyǵysta 15-28 aıazǵa deıin sýytady.