Qazaqstanǵa 300 myń dollardan astam ınvestıtsııa salǵan sheteldik kásipkerlerge 10 jyldyq vıza beriledi

NUR-SULTAN. QazAqparat – Prezıdent Qasym-Jomart Toqaev Qazaqstan halqyna Joldaýynda Qazaqstan ekonomıkasyna 300 myń dollardan astam ınvestıtsııa salǵan sheteldik kásipkerlerge 10 jyldyq vıza beriletinin málim etti, dep habarlaıdy QazAqparat tilshisi.

«Jalpy, adam áleýetin damytý – mańyzdy máseleniń biri. Osy oraıda, shetelden daryndy jandardy elge tartý qajet. Ásirese, shyǵarmashylyq jáne kásipkerlik salada jetistikke jetken azamattardy shaqyrý kerek. Men tıimdi kóshi-qon saıasaty týraly aıtyp otyrmyn», - degen Memleket basshysy suranysqa ıe bolyp otyrǵan jáne joǵary bilikti mamandardyń tapshylyǵyn azaıtý qajettigin atady.

«Ǵylym, densaýlyq saqtaý, óndiris, IT salalarynyń bilikti mamandaryna jeńildik jasalady. Memleket olarǵa elimizde turaqty turý úshin vıza beredi. Shetel kásipkerleri on jylǵa vıza rásimdep, Qazaqstanda turýǵa múmkindik alady.Biraq olar ekonomıkamyzǵa 300 myń dollardan astam ınvestıtsııa salýy qajet», - dediQasym-Jomart Toqaev.

Foto: savoryandpartners.com