Qazaqstanǵa 3 mln-ǵa jýyq reseılik týrıst kelgen
NUR-SULTAN. QazAqparat -Qazaqstan 2018 jyly reseılik týrıster barǵan elderdiń bestigine kirdi, dep habarlaıdy QazAqparat TýrStat taldaý agenttigine silteme jasap.
Aıta keterligi, Qazaqstan reseılik týrıster kóptep baratyn elderdiń ishinde tórtinshi tur.
Atap aıtqanda, Reseıden Qazaqstanǵa baǵyttalǵan týrıstik saparlardyń sany 2018 jyly 2 mln 955 myńǵa jetken. Bul kórsetkish 2017 jyldyń kórsetkishimen shamalas ekenin aıta ketý kerek.
TýrStattyń deregine súıensek, reseılik týrıster qolaıly kóretin elderdiń ondyǵyn Túrkııa (5 mln 719 myń), Abhazııa (4,496 myń), Fınlıandııa (3,361 myń), Qazaqstan (2,955 myń), Ýkraına (2,290 myń), Qytaı (2,018 myń), Estonııa (1,798 myń), Germanııa (1,297 myń), Grýzııa (1,233 myń (+23%) jáne Taıland (1,173 myń) qurap otyr.
Sheteldik týrıstik saparlardyń sany jaǵynan jyldam ósimdi kórsetken elderdiń qataryna Túrkııa (5.719 mln sapar, 2017 jylmen salystyrǵanda +27%), Grýzııa (1.233 mln, +23%), Italııa (1.086 mln, +22%), BAÁ (941 myń, +23%), Týnıs (611 myń, +28%) jáne Armenııa (434 myń, +18%) engen.
