Qazaqstanǵa úsh AES kerek – Sergeı Agafonov

Qazaqstanǵa 3 atom elektr stansasy kerek. Bul týraly Qazaqstannyń energııamen jabdyqtaý uıymdary qaýymdastyǵynyń tóraǵasy Sergeı Agafonov aıtty, dep habarlaıdy Kazinform. 

«2035 jylǵa qaraı barlyq stansalardyń belgilengen qýaty 40 gıgavatt bolady degen boljam bar. Qazirgi qoldanystaǵy qýat 19 gıgavat. 2035 jylǵa qaraı shynymen de 40 gıgavatt energııa alýǵa bolady. Eger jalpyálemdik úles 2035-2040 jyldarǵa qaraı 12 paıyz bolsa, onda bizde belgilengen qýat 4 800 megavatt bolýy tıis», - dedi ol atom energetıkasyn damytý máselelerine arnalǵan bıznes-forým aıasynda.

Onyń atap ótýinshe, munyń ózi de elimizge qajetti elektr energııasyn óndirýge jetkiliksiz.

«Sondyqtan mamandardyń esepteýi boıynsha keminde eki stansa, eń durysy úsh stansa qajet. Onyń bári Úlken aýylynda ornalastyryla ma? Bul másele talqylanady. Qalaı degende de bizge keminde 2 stansa qajet. Biraq ókinishke qaraı 2035 jylǵa qaraı bizde 2 stansa bolmaıdy. Al jalpy elimizde AES úlesi jalpyálemdik deńgeıde – 12 paıyz bolýy tıis. Sonda elimizde turaqty ári tıimdi energııa teńgerimi bolady», - dedi Sergeı Agafonov.