Qazaqstanǵa 15 myń qorap temekini zańsyz kirgizbek bolǵandar qolǵa tústi
NUR-SULTAN. QazAqparat - Qazaqstan shekarashylary Soltústik Qazaqstan oblysyndaǵy «Jańa jol» avtomobıl pýnktinde 15 000 qorap temekini Qazaqstanǵa zańsyz kirgizbek bolǵandardy qolǵa túsirdi, dep habarlaıdy QR UQK baspasóz qyzmeti.
Uıymdastyrýshylar zańsyz kirgizý úshin temekini «SDEK» pochtalyq kompanııasy júginiń astyna jasyrǵan.
Temekige qujattar men aktsız markalary bolmady.
Ustalǵan temeki partııasy Soltústik Qazaqstan oblysy boıynsha Memlekettik kirister departamentine tapsyryldy.
Osy ótkizý pýnktinde aktsız markalary joq temekini ótkizýge oqtalǵandardyń birneshe márte joly kesilgenin atap ótý kerek.
