Qazaqstanǵa 12 jeltoqsan kúni shetelden kelgen 243 jolaýshynyń PTsR anyqtamasy joq
NUR-SULTAN. QazAqparat – Qazaqstanǵa 12 jeltoqsanda ushaqpen kelgen jolaýshylardyń 85% PTsR anyqtama alyp keldi, dep habarlaıdy QazAqparat tilshisi.
2020 jylǵy 12 jeltoqsanda Qazaqstanǵa halyqaralyq áýe reısterimen Avstrııa, Ulybrıtanııa, Reseı, BAÁ, Belarýs, Túrkııa, Grýzııa, Ózbekstan, Egıpet pen Germanııadan 13 halyqaralyq reıs keldi.
QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalynda habarlanǵandaı, 1592 jolaýshynyń 1349-nyń PTsR anyqtamasy teris nátıjeli. Múldem anyqtamasyz kelgender sany 243.
Olardyń ishinde:
Nur-Sultan áýejaıyna 4 reıs, 465 jolaýshy kelip, onyń 406-da anyqtama bar. 59-da anyqtama joq.
Almaty áýejaıyna 9 reıs kelip, onda 1038 jolaýshy boldy. Olardyń 887-niń anyqtamasy bar, 33-inde anyqtama joq.
Anyqtamasyz kelgen Qazaqstan azamattarynan COVID-19-ǵa PTsR analız alyndy. Qazirgi tańda olar ózderiniń analız nátıjelerin karantın statsıonarynda kútip jatyr.
