Qazaqstanǵa 10 myńnan astam jol qurylysy salasynyń ınjeneri qajet

ASTANA. QazAqparat - Qazaqstanǵa 10 myńnan astam jol qurylysy salasynyń ınjeneri qajet. Bul týraly búgin Shetelde kadrlar daıarlaý jónindegi respýblıkalyq komıssııa otyrysy aldynda BAQ ókilderine suhbat bergen QR Investıtsııalar jáne damý birinshi vıtse-mınıstri Jeńis Qasymbek málim etti.

«Nurly jol» baǵdarlamasy boıynsha avtomobıl joly qurylysynda ǵana 200 myń jańa jumys orny qurylatyn bolady. Olardyń ishinde 10 myńnan astam ınjener mamandyqtary da bar. Bul az emes. Sondyqtan da bizder ózimizge qajetti mamandyqtar boıynsha bilim alyp kelgen «Bolashaq» baǵdarlamasynyń túlekterin jumysqa qabyldaımyz», - dedi ol.

Onyń atap ótýinshe, ÚIIDMB ekinshi besjyldyǵy jáne «Nurly jol» baǵdarlamasyn júzege asyrý asynda elimizge batystyń sapaly bilimin alǵan mamandar kóp qajet. Jalpy, birinshi vıtse-mınıstrdiń sózine qaraǵanda, «Bolashaq» baǵdarlamasy júzege asyrylǵan 20 jyldyń ishinde 2800-ge jýyq qazaqstandyq shetelde tehnıkalyq mamandyq boıynsha bilim aldy.

«Bizdiń mınıstrliktiń ortalyq apparatynda «Bolashaq» baǵdarlamasynyń 28 túlegi jumys isteıdi. Olardyń 8 laýazymdy qyzmette. ıAǵnı, bul baǵdarlama Qazaqstanda jumys isteý úshin zor múmkindikter beredi. Qazirgi ýaqytta bizderge «Nurly jol» jobalaryn jáne Údemeli ındýstrıaldy-ınnovatsııalyq damý baǵdarlamasynyń ekinshi besjyldyǵyn júzege asyrý úshin 10 myńnan astam maman qajet», - dedi J.Qasymbek.