Qazaqstanǵa 1 mıllıard teńgeniń uıaly telefondary zańsyz jolmen jetkizilgen - MKK
ASTANA. QazAqparat - Ótken jyly Memlekettik kirister komıteti Qazaqstanǵa zańsyz jolmen jetkizilgen 8 myń 143 uıaly telefondy tárkiledi. Kontrabandalyq taýardyń jalpy sommasy 147 mıllıon teńgeden asty, dep xabarlaıdy QazAqparat tilshisi.
«Jaqynda bizge Birikken Arab Ámirlikterinen aqparat tústi. Sonyń negizinde komıtet mamandary Qazaqstan terrıtorııasyna somasy 1 mıllıard teńgeden asatyn uıaly telefondardyń iri partııasyn anyqtady. Ony ákelgen kásipkerlerler sol uıaly telefondardyń texnıkalyq sıppatamasyn ádeıi ózgertip, taýardyń baǵasyn barynsha tómendetip kórsetkisi kelgen. Saýd Arabııasyndaǵy áriptesterimizdiń málimetterin negizge ala otyryp, biz osy qylmysty da áshkereledik», - dedi komıtettiń úılestirý jáne damý departmenti dırektorynyń mindetin atqarýshy Jambyl Suraǵanov Astanada ótken baspasóz máslıxatynda.
Onyń sózine qaraǵanda, Saýd Arabııasynyń salyq organdary ol aqparatty birshama ýaqyttan keıin jiberdi. Sol eki arada pysyqaı kásipkerler óz taýarlaryn elge jetkizip úlgerdi. Degenmen, aldaǵy ýaqytta sot arqyly tıisti sharalar qolǵa alynatyn bolady.
Aıta keteıik, brıfıng kezinde Suraǵanov Pavlodar oblysynda zańsyz kazıno ashqan kásipkerlerdiń 2,6 mlrd. teńgeden astam tabys tapqanyn da jetkizdi.
