Qazaqstan–Frantsııa yntymaqtastyǵy: Jambylda 1 GVt-tyq jel stansasy salynady
ASTANA. KAZINFORM — Qazaqstan men Frantsııa 1 GVt-tyq jel elektr stansasy megajobasyn iske asyrýdyń belsendi kezeńine ótti, dep habarlaıdy Energetıka mınıstrliginiń baspasóz qyzmeti.
Qazaqstannyń Energetıka mınıstri Erlan Aqkenjenov frantsýzdyq TotalEnergies energetıkalyq kompanııasynyń top-menedjmentimen kezdesý ótkizdi. Talqylaýǵa TotalEnergies EP kompanııasynyń Azııa-Tynyq muhıty óńiri boıynsha aǵa vıtse-prezıdenti Mansur Jaqypov jáne TotalEnergies-tiń Qazaqstandaǵy basshysy Frýde ıÝnes qatysty.
Kelissózder barysynda kompanııanyń Qazaqstandaǵy negizgi ınvestıtsııalyq jobalarynyń júzege asyrylý barysy talqylandy. Naqty aıtqanda, Jambyl oblysynda qýattylyǵy 1 GVt bolatyn «Mırnyı» jel elektr stansasyn salý jobasyna erekshe nazar aýdaryldy.
Atalǵan joba Qazaqstan men Frantsııa arasyndaǵy dekarbonızatsııa baǵytyndaǵy ekijaqty yntymaqtastyqtyń mańyzdy bóligi sanalady. Ol eki el úkimetteri arasynda jasalǵan arnaıy kelisim aıasynda júzege asyrylyp jatyr.
— Aıta keteıik, stansanyń biregeıligi onyń gıbrıdti sıpatynda: jel generatsııasymen qatar, keshen 300 MVt/600 MVt.saǵ kólemindegi energııa jınaqtaý júıesimen jabdyqtalady. Bul jalpy elektr jelisine beriletin qýatty turaqtandyrýǵa múmkindik beredi. Sonymen qatar, joba aıasynda «Ońtústik Qazaqstan MAES» (ıÝKGRES) jáne «ShÝ» qosalqy stansalaryna qosylý úshin 280 shaqyrym joǵary kerneýli elektr jelilerin salý josparlanǵan, — delingen mınıstrlik taratqan aqparatta.
Kezdesý sońynda Erlan Aqkenjenov jobany ýaqtyly iske qosý jáne eki el arasyndaǵy yntymaqtastyqty nyǵaıtý maqsatynda Energetıka mınıstrligi tarapynan jan-jaqty qoldaý kórsetiletinin atap ótti.
TotalEnergies kompanııasymen birlesip júzege asyrylatyn bul joba Qazaqstannyń kómirtektik beıtaraptyqqa qol jetkizýine eleýli úles qosyp, óńirdi taza energııamen qamtamasyz etýge jáne jańartylatyn energııa kózderi salasynda jańa tehnologııalyq quzyretterdi damytýǵa múmkindik beredi.
Osydan buryn Prezıdent Qazaqstan men Frantsııa arasyndaǵy adamdardy readmıssııalaý týraly zańǵa qol qoıǵanyn jazdyq.