Qazaqstandyqtyń túsirgen fılmi Kann festıvaliniń Short Film Corner sektsııasynda kórsetilmek
ASTANA. QazAqparat - Jas rejısser Dıas Ázimjanovtyń «ÝltıO» (ULTIO) atty qysqametrajdy fılmi Qazaqstan atynan Kann festıvaliniń Short Film Corner sektsııasynda kórsetiledi, dep xabarlaıdy QazAqparat «Bolashaq» qaýymdastyǵynyń baspasóz qyzmetine silteme jasap.
«ÝltıO» - jas jubaılar, ata-ana jáne balalar arasyndaǵy kúrdeli qarym-qatynastardy kórsetetin mıstıkalyq elementteri bar otbasylyq psıxologııalyq drama.
«Fılmniń Cannes Festival Short Film Corner festıvaline túsýi ony álemdik kınoındýstrııa jáne ınvestorlarǵa tanystyrýǵa múmkindik beredi. Biz sonymen qatar Cinefondation sektsııasyna qatysýǵa ótinish berdik. Onda tek akademııalyq kınematografııalyq bilimi bar stsenarıster men rejısserler ǵana qatysa alady. Atalmysh bedeldi sektsııaǵa iriktelgenimiz nemese ótpegenimiz týraly aqparat sáýir aıynyń ortasynda belgili bolady», - deıdi rejısser ári stsenarıst Dıas Ázimjanov.
Short Film Corner sektsııasynda 2017 jyly álemniń 100 memleketinen shamamen 2 myńǵa tarta qysqametrajdy fılm kórsetiledi.
«Qazaqstan, Reseı jáne AQSh birlesip túsirgen fılmge ózge de qazaqstandyq jas talanttar atsalysty. Mysaly, fılmniń mýzykasyn ataqty kompozıtor Asqar Shafı jazdy», - deıdi ol.
Bıyl mamyr aıynda Dıas Ázimjanov pen Dáýren Tóleýxanov Kann festıvaline attanady.
