Qazaqstandyqtyń startap jobasy Kanadada top jardy
Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın áleýmettik jelidegi paraqshasynda habarlady.
«Ásel Beglınova esimdi otandasymyz Kanadada kásipkerlerge kómektesetin servıs oılap tapty. Onyń startaby Kanada men Amerıka Qurama Shtattaryndaǵy júzdegen kompanııalar arasynda top jaryp, úzdik atandy», - dep jazdy vedomstvo basshysy.
Ol Google for Startups akseleratory Qazaqstanda, atap aıtqanda Astana_hub-ta da bar ekenin atap ótken. Onyń quryltaıshylary Ortalyq Azııanyń barlyq elderi, Mońǵolııa jáne Ázirbaıjan arasynda tańdaý jasap, bizdi óńirlik seriktes retinde tańdaǵan.
«ıAǵnı, Astana Hub jáne Google for Startups usynǵan Silkway akseleratsııalyq baǵdarlamasyna Ortalyq Azııa, Ázerbaıjan jáne Mońǵolııa elderinen Product/market fit satysynda startap-kompanııalar qatysa alady.
Іrikteý nátıjeleri boıynsha 15 úzdik joba Nur-Sultan qalasynda ótetin jáne 3 aıǵa sozylatyn akseleratsııaǵa tegin qatysa alady.
Startapyńyzdy jańartqyńyz, jáne odan ári damytqyńyz kelse, 12 maýsymǵa deıin tirkelip úlgerýge múmkindigińiz bar», - dep habarlaǵan Baǵdat Mýsın.