Qazaqstandyqtarǵa Windows, Linux jáne MacOS osaldyǵy týraly aıtyldy

ASTANA. QazAqparat -  QR Qorǵanys jáne aeroǵarysh ónerkásibi mınıstriliginiń Aqparattyq qaýipsizdik komıteti Intel, AMD jáne ARM protsessorlarynyń osaldyǵynyń anyqtalýyna baılanysty  operatsııalyq júıeni (Windows, Linux jáne MacOS) jańartý qajettigin málim etti, dep habarlaıdy «QazAqparat» HAA tilshisi vedomstvoǵa silteme jasap.

Atalǵan usynystar memlekettik organdar men kvazımemlekettik sektor sýbektilerine de jiberilgen.

Qoldanýshy quraldaryna shartty túrde Meltdown jáne Spectre dep atalatyn  vırýstyń zııandy áseri tııýi múmkin. Onyń birinshi áseri qosymsha men operatsııalyq júıeniń  ishki jady «shekarasyna», ekinshisi qosymshalar arasyndaǵy «shekaralardyń» ózin óshiredi.

Shabýyl jasaǵysy kelgen adamnyń qolynda qazyr JavaScript-kod  arqyly qupııa sózdi urlaý múmkindikteri bar.

Komıtet habarlaǵandaı, mundaı jaǵdaıda kıbershabýyl jasaǵan adamnyń artynda eshqandaı «sandyq» belgi ne iz qalmaıdy.

«Microsoft qazir  Windows 7, 8 jáne 10-ǵa arnalǵan jedel jańartylymdar jasady. Osy arqyly apparattyq chıpterdegi Intel, ARM jáne AMD osaldyǵynan qutylýǵa bolady. Ázirge atalǵan osaldyqtardy paıdalana otyryp shabýyl jasaǵan qoldanýshylar týraly málimet túsken joq», dep habarlaıdy vedomstvo baspasóz qyzmeti.