Qazaqstandyqtarǵa ushý kezinde PTR testin tapsyrý mindetti me
«Qazaqstan Respýblıkasy Konstıtýtsııasynyń 29-babyna sáıkes azamattardyń densaýlyǵyn saqtaýǵa quqyǵy bar. Ushý aldynda COVID-19 qarsy PTR testiniń teris nátıjesi bar anyqtamany usyný talaby «omıkron» shtamy nusqasynyń taralýyna jáne onyń joǵary juqpaly bolýyna baılanysty, jolaýshylar áleýmettik qashyqtyqty saqtamaı, jabyq keńistikte uzaq ushý kezinde ınfektsııany boldyrmaý maqsatynda engizilip otyr», - dep jazdy Eraly Toǵjanov depýtattyq saýalǵa bergen jaýabynda.
Onyń aıtýynsha, atalǵan ádis - álemdik tájirıbe. Koronavırýsqa qarsy PTR testi anyqtamasyn talap etý Qazaqstan Respýblıkasynyń bas memlekettik sanıtarııalyq dárigeriniń qaýlysyna sáıkes 2020 jylǵy qazannan bastap qoldanylady.
«Memlekettik shekaradan ótý kezinde koronavırýstyq ınfektsııa aýrýlarynyń aldyn alý jónindegi sharalardy odan ári kúsheıtý týraly 2020 jylǵy 2 qazandaǵy koronavırýstyq ınfektsııany taratpaýǵa baǵyttalǵan qabyldanǵan sharalar, onyń ishinde shekaradan ótý kezinde PTR ádisimen COVID-19 testiniń teris nátıjesi bar anyqtamany usyný boıynsha talap eldegi epıdemıologııalyq jaǵdaıdy 1 aı ishinde turaqtandyrýǵa múmkindik bergenin, al basqa elderde koronavırýsty «omıkron» shtamynyń órshýi bar jaǵdaıdy turaqtandyrýǵa múmkindik bergenin atap ótken jón ınfektsııa shamamen 2-3 aıǵa sozyldy», - dedi Premer-Mınıstrdiń orynbasary.
Onyń aıtýynsha, qazir elimizde koronavırýstyq ınfektsııa boıynsha epıdemıologııalyq jaǵdaıdyń turaqtanýy, ambýlatorııalyq jáne statsıonarlyq naýqastar sanynyń azaıýy, ınfektsııalyq jáne reanımatsııalyq tósekter qamtylýynyń 8%-ǵa deıin qysqarýy baıqalady.
Osyǵan baılanysty bıyl 17 aqpanda el aýmaǵynda koronavırýstyq ınfektsııanyń paıda bolýy men taralýyna jol bermeý jónindegi vedomstvoaralyq komıssııanyń otyrysynda koronavırýstyq ınfektsııanyń paıda bolýy men taralýyna jol bermeý kelesi tulǵalar úshin PTR ádisimen COVID-19 testiniń teris nátıjesiniń talabyn alyp tastaý týraly sheshim shyqty:
- eger vaktsınanyń ekinshi komponentti alǵannan keıin QR shekarasyn kesip ótý sátinde 6 aıdan aspasa, qujattyq rastaýdy usyný kezinde Qazaqstan Respýblıkasynda revaktsınatsııa nemese COVID-19-ǵa qarsy vaktsınatsııalaýdyń tolyq kýrsyn alǵandar;
- Qazaqstan Respýblıkasynyń bas memlekettik sanıtarlyq dárigeriniń qaýlysyna sáıkes Qazaqstan Respýblıkasynyń aýmaǵynda jaramdy dep tanylǵan, COVID19-ǵa qarsy vaktsınatsııa týraly pasport/sertıfıkat / anyqtama usynǵandar.
