Qazaqstandyqtarǵa páter urysynan saq bolýdyń joldary aıtyldy

NUR-SULTAN. QazAqparat – Іshki isteri organdary mamandarynyń aıtýynsha, páter tonaý jalpy barlyq urlyqtyń 20,5 paıyzyn quraıdy eken. Sondaı-aq, sala mamandary tonaýshylar úıdiń esik, terezesin buzyp kirýdiń túrli ádis-tásilin meńgergenin aıtyp otyr. Osy oraıda elimizdiń ishki ister mınıstrligi qazaqstandyqtarǵa páter urysynan saq bolýdyń birneshe jolyn aıtty, dep habarlaıdy QazAqparat tilshisi.

«Turǵyndarǵa óz úıin urlyq-qarlyqtan saqtaýdyń qarapaıym erejelerin saqtaýǵa keńes beremiz. Aldymen úı esiginiń qulpyn tańdaýda erekshe mán berý kerek. Qulyp senimdi ári sapaly bolýy tıis. Qulyptan bólek, ishten jaýyp alatyn ilgishtiń bolǵany abzal. Sonymen qatar syrtqy esiktiń metaldan bolǵany jón. Sebebi aǵash esikti buzyp kirý ońaılaý. Taǵy bir mańyzdy jaıt, páter tonaǵanda urylar esikten emes terezeden kirip jatady. Olar túrli plastıkalyq terezeni ashýdyń mánisin bilip alǵan. Sondyqtan terezege qorǵanysh retinde temirtor ornatý kerek. Osy oraıda terezege temirtor ornatý tek qana 1-2 qabattaǵy páter turǵyndaryna ǵana emes eń sońǵy qabattaǵy páter ıelerine de qatysty», - dedi QR ІІM Krımınaldyq polıtsııa departamentiniń asa mańyzdy ister jónindegi aǵa jedel ýákili Saǵyndyq Jantemirov mınıstrlikte ótken baspasóz máslıhatynda.

Odan bólek, maman múmkindik bolǵan jaǵdaıda úıge «dabyl» tetigin ornatýǵa keńes berdi.

«Úıge bógde adam kirgen jaǵdaıda dereý dabyl soǵady. Al, úı ıesi bolsa shuǵyl shara qabyldaı alady. Páter tonaýshylardan qorǵanýdyń taǵy bir tásili GSM habarlama dabyly. ıAǵnı úıińizge ury túsken jaǵdaıda sizdiń uıaly telefonyńyzǵa sms habarlamada keledi. Osy oraıda turǵyndarǵa aıtar taǵy bir keńesimiz, úıde iri kólemde qarjy nemese baǵaly zattardy saqtamańyzdar», - deıdi ol.

Buǵan deıin habarlaǵanymyzdaı elimizde páter tonaý qylmysy 33,4%-ǵa azaıǵan .