Qazaqstandyqtarǵa Koreıada zańdy jumys isteýge múmkindik berilýi múmkin
NUR-SULTAN. QazAqparat – Ońtústik Koreıada Qazaqstan azamattary aýyl sharýashylyǵy salasynda zańdy túrde jumys isteýi múmkin, dep habarlaıdy QazAqparat tilshisi.
«Ońtústik Koreıaǵa 30 kúnge vızasyz kirý tártibi jumysqa ornalasýdy qarastyrmaıdy. Sondyqtan bul elge jumysqa ornalastyrýǵa jiberetin qazaqstandyq kompanııalar zańsyz qyzmet etedi, ıaǵnı osy sharalarǵa olarda tıisti lıtsenzııa joq», - dedi QR Syrtqy ister mınıstrliginiń resmı ókili Aıbek Smadııarov vedomstvoda
Osy oraıda, ol búginde Qazaqstan azamattaryn Ońtústik Koreıada jumysqa ornalastyrý qadamdary qarastyrylmaǵanyn atap ótti. Alaıda, qazirgi kezde qazaqstandyqtardy bul elde jumyspen qamtý sharalary talqylanyp jatyr.
«Qazirgi kezde QR Prezıdenti Qasym-Jomart Toqaevtyń tapsyrmasy boıynsha QR Úkimeti Ońtústik Koreıa Úkimetimen Qazaqstan azamattary úshin atalǵan eldegi balyq jáne aýyl sharýashylyǵy salasynda maýsymdyq jumystardyń múmkindigin pysyqtaýda. Budan basqalary eki eldiń zańnamasyn buzý bolyp sanalady», - dedi A. Smadııarov.
