Qazaqstandyqtarǵa qatty alańdaýdyń qajeti joq – Eljan Birtanov
«Biz bastapqyda bul jańa shtamm - jańa koronavırýs ekenin aıtqan edik. Bul álemde buryn ashylǵan shtamdardan ózgeshe. Tıisinshe, aýrýdyń belgisi de ártúrli. Sondyqtan biz DDSU-dan, ınfektsııa tirkelgen elderdiń densaýlyq saqtaý mınıstrlikterinen aqparat alamyz. Bizde bar málimetter osyndaı sıpatqa ıe: patsıentterdiń basym bóligi sımptomsyz, jumsaq ótkerip, emdeýdi qajet etpeıdi. Qazir koronavırýs ınfektsııasymen betpe-bet kelgen kóptegen eldiń hattamalarynda olar, negizinen, úıinde karantınge jatady. ıAǵnı, jeńil belgilerimen aýrýhanaǵa jatýdyń qajeti joq. Bul spetsıfıkalyq turǵyda emdeýdiń qajeti joqtyǵyn bildiredi», - dedi Eljan Birtanov OKQ-da ótken baspasóz máslıhatynda.
Mınıstr kez kelgen aýrý sııaqty, koronavırýs ınfektsııasyn juqtyrýdyń qalypty jáne aýyr dárejesi bolýy múmkin ekenin atap ótti. Bul negizinen aǵzanyń ımmýndyq júıesiniń kúıine, sozylmaly aýrýlardyń bolýyna baılanysty.
«Sondyqtan biz qazaqstandyqtarǵa qatty alańdaýdyń qajettigi joqtyǵyn aıtqym keledi. Bul - respıratorlyq vırýstyq ınfektsııa. Ol ártúrli qalypta bolady. Aıtalyq, tumaý - sál aýyr túri. Kóbirek sý iship, maza ketse qabynýǵa qarsy preparattar qabyldaý kerek. Eger joǵary temperatýra, jótel sııaqty aýyr belgiler baıqalsa, jedel járdem shaqyrý kerek», - dedi mınıstr.
Eske sala ketsek buǵan deıin Densaýlyq saqtaý mınıstri Eljan Birtanov Qazaqstannyń eki azamatynan koronavırýs ınfektsııasy tabylǵanyn málim etken edi.