Qazaqstandyqtarǵa Izraılde saqtyq sharalaryn ustanýy kerektigi eskertildi

ASTANA. QazAqparat - Izraıldegi jaǵdaıdyń shıelenisýine baılanysty QR IJTM Týrızm ındýstrııasy komıteti men QR SІM osy elge barǵan jáne palestınalyq aýmaqtaǵy qazaqstandyqtardy saqtyq sharalaryn eskerýdi eskertti. Bul týraly Týrızm ındýstrııasy komıtetiniń baspasóz qyzmetinen habarlandy.

Osy oraıda qaqtyǵys júrip jatqan aýmaqtan aýlaq jýrý, sondaı-aq oq atylýy múmkin oryndarǵa barmaý týraly aıtylýda.

QR IJTM Týrızm ındýstrııasy komıteti Izraıl men Palestınaǵa týrlardy júzege asyratyn týrıstik operatorlar men agenttikterge týrısterdi atalǵan jerdegi ahýal qıyndaǵanyn, sondaı-aq qaýipsizdik sharalary jaıynda aqparattandyrýy kerektigin eskertti.