Qazaqstandyqtarǵa búginnen bastap salyq tólemderi týraly habarlama jiberiledi

NUR-SULTAN. QazAqparat –Búginnen bastap qazaqstandyq salyq tóleýshiler múlik, jer jáne kólik quraldary boıynsha aldaǵy salyq tólemderi týraly SMS-habarlama alady. Bul týraly QazAqparat QR QM baspasóz qyzmetine silteme jasap habarlaıdy.

«Taıaý ýaqytta Qazaqstan Respýblıkasynyń azamattary uıaly telefondaryna (smartfondar, telefondar) tóleýge tıisti salyq somasy týraly SMS-habarlamalar alady. Bul eskertýlerdi alý úshin azamattar elektrondyq úkimettiń egov.kz portaly nemese mgov mobıldi qosymshasy arqyly mobıldi bazasynda nómirin tirkeý qajet. egov.kz elektrondy úkimet portalynyń «Qyzmetter» bólimindegi mobıldi azamattar derekter bazasynda tirkeýde bar joǵyńyzdy teksere alasyz», - delingen mınıstrlik habarlamasynda.