Qazaqstandyqtarǵa alaıaqtyqqa qatysty eskertý jasaldy

NUR-SULTAN. QazAqparat - Alaıaqtyq áreketterdiń jıilep ketýine baılanysty «Azamattarǵa arnalǵan úkimet» HQKO qyzmetkerleriniń klıentterge qońyraý shalmaıtynyn jáne qaryzdaryn óteýdi nemese tólqujat derekterin tekserýdi suramaıtynyn eskertti, dep habarlaıdy QazAqparat.

«Sonymen qatar, memlekettik korporatsııa qyzmetkerleri boryshkerlerdiń derekter bazasyn kórmeıtinin, azamattardyń bank shottaryn buǵattaı almaıtynyn jáne shetelge shyǵýǵa tyıym sala almaıtynyn habarlaıdy. Klıenttermen barlyq qarym-qatynas tek 1414 Biryńǵaı baılanys ortalyǵy arqyly júzege asyrylady», - delingen baspasóz qyzmetiniń málimetinde.

SMS-habarlama arqyly klıentterge brondaý ýaqyty, qujattardyń qoldanys merziminiń aıaqtalýy, memlekettik qyzmetter boıynsha bergen ótinishteriniń nátıjesi týraly habarlanady.

«Biz qazaqstandyqtardy qyraǵylyq tanytýdy jáne bógde adamdarǵa ózderiniń tólqujat derekterin nemese tsıfrly qoltańbalaryn bermeýdi suraımyz. Sizdiń jeke kabınetińizge kire otyryp, alaıaqtar siz týraly aqparatty óziniń jeke múddesine paıdalanýy múmkin», - dep atalyp ótken habarlamada.