Qazaqstandyqtarǵa 6 paıyzdan aspaıtyn mólsherlememen nesıe beriledi
«Memleket basshysy kásipkerlikti damytý úshin mıkroqarjy uıymdarynyń halyqqa kredıt berýge qatysýyn jandandyrý jáne «Eńbek» memlekettik baǵdarlamasy tetikterin jetildirý jóninde sharalar qabyldaýdy tapsyrdy. Sonymen qatar jumyspen qamtýdyń jol kartasy boıynsha jumysqa ornalastyrylǵandar týraly aqparatty avtomatty túrde tekserýdi engizýdi tapsyrǵan bolatyn», - dedi ol.
Onyń atap ótýinshe, Memleket basshysynyń tapsyrmalaryn oryndaý maqsatynda 2021 jyldyń naýryz aıynyń sońyna deıin «Eńbek» memlekettik baǵdarlamasyna memlekettiń jáne «Atameken» UKP-nyń qatysýymen mıkroqarjy uıymdar qurý bóligine ózgerister engiziledi jáne sońǵy qaryz alýshyǵa 6 paıyzdan aspaıtyn syıaqy mólsherimen nesıe beriletin bolady.
«Qazirgi ýaqytta joba memlekettik organdarmen kelisilip jatyr. Bul rette jergilikti atqarýshy organdarmen jáne «Atamekenmen» turaqty negizde qaryz alýshylardyń jobalaryn súıemeldeý jáne turǵyndarǵa mıkrokredıt berý boıynsha mıkroqarjy uıymdaryna monıtorıng júrgizýdi qamtamasyz etý qajet. Sonymen qatar mınıstrlikpen jumyspen qamtý jáne kásipkerlikti qoldaý jónindegi jańa tásilder men tetikterdi qarastyra otyryp, 2022-2026 jyldarǵa arnalǵan «Eńbek» ulttyq jobasy ázirlenedi», dedi Serik Shápkenov.
Bıyl Jumyspen qamtýdyń jol kartasy aıasynda ınfraqurylymdyq jobalardy irikteý, jumyssyzdardy jumysqa ornalastyrý jáne shaǵyn nesıelendirý tolyǵymen qaıta qaralyp, jańa tásilder ázirlendi. Osy jylǵa 27 myń jumys ornyn qura otyryp, 331 ınfraqurylymdyq jobany iske asyrý josparlanyp otyr
