Qazaqstandyqtarǵa 4 paıyzben nesıe beriledi

NUR-SULTAN. QazAqparat – Qazaqstanda az qamtylǵan nemese kópbalaly januıadaǵy jumyssyz azamattarǵa 4 paıyzben jeti jylǵa deıin shaǵyn nesıeler beriledi. Bul týraly QR Eńbek jáne halyqty áleýmettik qorǵaý mınıstri Birjan Nurymbetov aıtyp berdi, dep habarlaıdy QazAqparat tilshisi.

Atalǵan bastama «Eńbek» memlekettik baǵdarlamasynda kórsetilgen.

«Bul baǵdarlamaǵa 2020 jyly 123 mlrd teńge qarastyrylǵan, 535 myń adamdy qamtımyz dep josparlap otyrmyz. Onyń ishinde az qamtylǵan nemese kópbalaly januıadaǵy jumyssyz azamattarǵa jeńildikter qarastyryp úlgerdik. Eger de «Eńbek» baǵdarlamasy boıynsha, shaǵyn nesıeler 6 paıyzben bes jylǵa deıin beriletin bolsa, az qamtylǵan nemese kópbalaly januıadaǵy jumyssyz azamattarǵa bul nesıe 4 paıyzben jeti jylǵa deıin beriletin bolady», - dedi B. Nurymbetov Ortalyq kommýnıkatsııalar qyzmetinde ótken brıfıngte.

Sonymen birge, az qamtylǵan nemese kópbalaly januıa músheleri úshin kishigirim jeke bıznes ashýǵa tegin qaıtarymsyz granttar berý tártibi de ózgertildi. Munda bir aılyq kásipkerlik negizderi týraly mindetti oqý talaby alynyp tastaldy. ıAǵnı, olar oqýdan ótpeı-aq, grant ala alady.

«Búginde jumystan qysqarýy múmkin táýekelderdi eskere otyryp, Úkimet jańa Jumyspen qamtý kartasyn ázirlep jatyr. Bul karta arqyly elimizdegi ınfraqurylymdyq jobalardy júzege asyrýdy kózdep ogtyrmyz. ıAǵnı, áleýmettik nysandardy jańǵyrtý, kúrdeli jóndeý, orta jóndeý, turǵyn-úı kommýnaldyq ınfraqurylymdardy jańartý, ınjenerlik-kóliktik ınfraqurylymdardy jańartý, eldimekenderdi abattandyrý jumystary kózdeledi. Onyń sharttary men negizgi tetikterin erteńgi Úkimet otyrysynda tolyq jarııalaımyz», - dedi mınıstr.

Buǵan deıin mınıstr qysqartýǵa ushyraǵan jumysshylardyń 6 aı boıy áleýmettik tólem ala alatynyn túsindirgen edi.