Qazaqstandyqtardyń jetim jáne tastandy balalardy asyrap alý kórsetkishi kóterilip keledi - BǴM Balalar quqyqtaryn qorǵaý komıteti
ASTANA. 21 qyrkúıek. QazAqparat - Búgin Halyqaralyq beıbitshilik kúnine oraı Mahambet Ótemisuly atyndaǵy Oqýshylar saraıynda Jetim jáne tastandy balalardy asyrap alǵan azamattardyń sleti ashyldy.
Іs-sharanyń ashylý rásiminde sóz sóılegen QR Bilim jáne ǵylym mınıstrligi Balalar quqyqtaryn qorǵaý komıtetiniń tóraıymy Raısa Sher atap kórsetkendeı, sońǵy kezderi qazaqstandyqtardyń jetim jáne tastandy balalardy asyrap alý kórsetkishi joǵary bolyp tur. «Máselen, ótken jyly ınternatta bolǵan 1127 bala jańa otbasyn tapty. Bıyl olardyń qataryna taǵy 327 bala qosyldy. Demek, bizdiń azamattar jetim jáne tastandy balalar máselesine nemquraıly qarap otyrǵan joq. Bul Qazaqstanda júregi keń adamdardyń kóp ekendigin kórsetedi. Jalpy, búginde Qazaqstanda 18 myń otbasy 23 balany asyrap otyr», - deıdi R.Sher. Komıtet tóraıymynyń sózine qaraǵanda, búginde komıtettiń arnaıy saıtynda balalardy asyrap alý máselesi boıynsha barlyq aqparatty alýǵa bolady.
Aıta keteıik, búgin Jetim jáne tastandy balalardy asyrap alǵan azamattardyń sleti respýblıkanyń barlyq oblystarynda ótip jatyr.
