Qazaqstandyqtardyń zeınetaqy salymdary júk vagondaryn jasaýǵa jiberiledi
Qazaqstandyqtardyń zeınetaqy salymdaryn Úkimet temir jol-mashına jasaý salasyna salyp saýyqtyrýǵa nıetti. Bıyl Biryńǵaı jınaqtaýshy zeınetaqy qorynan salany qoldaýǵa 50 mlrd teńge bólindi, dep habarlady «Astana» telearnasy.
Investıtsııa jáne damý vıtse-mınıstri Albert Raýdyń aıtýynsha, mıllıardtaǵan qarajat temir jol salasyn sýbsıdııalaýǵa jumsalady. Osylaısha Investıtsııalar jáne damý mınıstrligi júk vagondarynyń jetispeýshiligi men olardyń eksportyn ulǵaıtý problemalaryn sheshýdi josparlaıdy. Jalpy úsh myń temir jol vagonyn jasalady.
2016 jyly «Qazaqstan temir joly» UK» Qazaqstandyq qor bırjasyn 200 mlrd teńgege birinshi oblıgatsııalyq baǵdarlamany memlekettik tirkeıtinin habardar etti.
Qarjy naryǵynyń kásibı qatysýshylary daǵdarys jaǵdaıynda mundaı iri somaǵa oblıgatsııa ornalastyrý - barynsha táýekeldi qadam ekenin aıtady. Sarapshylardyń pikirinshe, memleket oblıgatsııany tek - BJZQ nemese Ulttyq qor qarajaty esebinen ǵana satyp ala alady.