Qazaqstandyqtardyń zeınetaqy qoryndaǵy 2,7 trln teńge baspana satyp alýǵa jumsalǵan

ASTANA. QazAqparat – Qazaqstandyqtar zeınetaqy qoryndaǵy 2,7 trln teńgeden astam jınaǵyn baspana satyp alýǵa, ıpotekany jabýǵa paıdalanǵan. Bul týraly Indýstrııa jáne ınfraqurylymdyq damý mınıstrligi ashyq talqyǵa shyǵarǵan «2023-2029 jyldarǵa arnalǵan turǵyn úı-kommýnaldyq ınfraqurylymyn damytý tujyrymdamasynda» jazylǵan, dep habarlaıdy QazAqparat tilshisi.

«Zeınetaqy kompanııasynyń sheńberinde bıyl 1 qańtardaǵy málimet boıynsha azamattar turǵyn úı jaǵdaılaryn jaqsartýǵa 2,7 trln teńgeden astam qarajatty paıdalandy. Byltyr jeltoqsannyń sońyna azamattardyń turǵyn úı qurylysy men olardy satyp alýǵa kredıtteri boıynsha ortasha ólshemdi syıaqy mólsherlemesi 9,8% boldy. Bul kórsetkish 2021 jyly – 8,2%, 2020 jyly – 7,6% bolǵan», - dep derekter keltirilgen tujyrymdamada.

Jyl basyndaǵy aqparatqa qaraǵanda, qazaqstandyqtarǵa jıyntyq kólemi 5,1 trln teńge bolatyn ıpotekalyq kredıt berilgen.

«Bıyl 1 qańtardaǵy málimet boıynsha ıpotekalyq kredıtter portfeliniń jıyntyq kólemi – 5,1 trln teńge. Onyń ishinde «7-20-25» ıpotekalyq baǵdarlamasy sheńberinde 880,3 mlrd teńgege 65 975, turǵyn úı qurylys jınaqtary júıesi boıynsha 2,9 trln teńgege ıpotekalyq turǵyn úı qaryzdary berildi», - delingen qujatta.

Tujyrymdama 15 naýryzǵa deıin kópshilik talqylaýda bolady.