Qazaqstandyqtardyń úzdik shyǵarmalaryn BUU-nyń 6 tilinde shyǵarý kerek

ASTANA. QazAqparat - Qazaqstandyqtardyń úzdik shyǵarmalaryn BUU-nyń 6 tilinde shyǵarý kerek. Bul týraly búgin elordadaǵy Beıbitshilik pen kelisim saraıynda ótip jatqan Qazaqstan halqy Assambleıasynyń XXV sessııasynda sóz sóılegen Elbasy Nursultan Nazarbaev aıtty, dep habarlaıdy QazAqparat.

«Biz mádenıetimizdi búkil álemgen kórsetýimiz qajet. Qazaqstandyqtardyń úzdik shyǵarmalaryn oqýy, bilýi úshin BUU-nyń alty tiline aýdarý kerek. Máselen, M.Áýezovtyń «Abaı jolyn», Á.Nurpeıisovtiń «Qan men terin» jáne basqa da shyǵarmalardy aýdarýǵa bolar edi», - dedi Elbasy.

Memleket basshy bul máseleni taıaýda qalamgerlermen kezdesýi barysynda talqylaǵandyǵyn, olardyń qoldaý kórsetkendikterin basa aıtty.

«Úzdigin tańdaý barysynda problemanyń týyndaıtyndyǵy da shyndyq. Óıtkeni, bizde jaman jazýshy joq. Árqaısysy ózinshe uly. Osy rette meniń oıyma myna bir anekdot túsip otyr. Stalınge kelgen Berııa: «Joldas Stalın, Sholohov qatty ishedi. Sımonov qydyrympaz», deıdi. Sonymen qatar birneshe jazýshynyń atyn ataıdy. Al oǵan Stalın: «Joldas Berııa, mende basqa jazýshylar joq qoı», depti. ıAǵnı, olar kim bolsa da biz komıssııa arqyly ártúrli etnostardyń ókiliniń úzdik shyǵarmalaryn iriktep alýymyz jáne búkil álemge kórsetýge tyrysýymyz kerek», - dedi Nazarbaev.