Qazaqstandyqtardyń úshten biri ıpotekalyq nesıe alýda qatelik jasady-G.Marchenko
sp;ALMATY. Qarashanyń 18-i. QazAqparat /Erbol Azanbek/ -Ipotekalyq nesıe alǵan qazaqstandyqtardyń úshten biri ózderiniń tólem múmkindikterin esepke almaı qatelik jasady.
Bul týraly búgin QR Ulttyq bankiniń tóraǵasy Grıgorıı Marchenko «Bnews.kz» portalynda bolǵan online-konferentsııa barysynda aıtty, dep habarlaıdy QazAqparat.
Konferentsııa barysynda eń jıi qoıylǵan suraqtardyń biri ıpotekany qaıta nesıelendirý úshin qarjy bóline me degen suraqqa G.Marchenko qaıta qarjylandyrýdyń úkimetke baılanysty ekendigin aıtty.
«Eger úkimet durys dep taýyp, qaıta qarjylandyrsa onda ony kóremiz. Men 2000 jyldyń basynda-aq ıpotekalyq nesıe alyp jatqan turǵyndardyń úshten biri qatelesip jatqanyn birneshe ret aıtqam. Eger daǵdarys bolmasa da olar ıpotekalyq nesıesin tóleı almaýy múmkin edi»degen Ulttyq bank basshysy, óz múmkindikterine sengen nesıe alýshylardyń daǵdarys ýaqytynda durys ómir súrip, nesıelerin qaıtaryp jatqandaryn aıtty.
