Qazaqstandyqtardyń ulttyq valıýtadaǵy salymdary artyp keledi
ASTANA. QazAqparat - Teńge baǵamynyń valıýtalyq turaqsyzdanýyna qaramastan, qazaqstandyqtar ulttyq valıýtadaǵy salymdaryn arttyrýdy jalǵastyrýda. Teńge depozıtteri boıynsha jyldyq mólsherleme syıaqysy 1 jylda 8,0-den 13,2%-ǵa deıin ósti, dep habarlaıdy «QazAqparat» HAA tilshisi ranking.kz-ke silteme jasap.
2017 jyldyń shilde aıyndaǵy jeke tulǵalardyń merzimdi jáne shartty salymdary 1,9%-ǵa artty, bir jyldyq ósim 8,0%, 7,19 trln teńgeni qurady. Turǵyndardyń jartysynan kóbi jınaq qorlaryn shetel valıýtasynda ustaıdy - 52,8 % nemese 4,18 trln. teńge, shilde aıyndaǵy ósim 2,0%, mundaı salymdar kólemi bir jyl ishinde 12,4%-ǵa tómendedi.
Ótken aıda sheteldik valıýtadaǵy salymdarynyń úlesi 58,1% qurady, bir jyl buryn - 71,7% bolǵan. Onyń ústine ulttyq valıýta salymdary turaqty ósim kórsetkishine ıe, shilde aıyndaǵy ósim 1,9%, 3,01 trln teńgege deıingi somany qurady.
Bir jylda teńge depozıtteri 54,9% artty. Ulttyq valıýtadaǵy jeke tulǵalar salymy kólemi ósiminiń oń kórsetkishine mynadaı depozıtterdiń joǵary mólsherlemeleri yqpal etedi. Jeke tulǵalar depozıtteri boıynsha teńgedegi syıaqy mólsherlemesiniń merzimi 1 jylǵa deıin 2017 jyldyń shilde aıynda 12,2% quraıdy, ótken aı men ótken jylda - 12,6 %, osy ýaqyt aralyǵynda QU UB málmetteri boıynsha, shetel valıýtasyndaǵy depozıtter mólsherlemesi osyndaı jaǵdaıda bir jyl ishinde 2,4%-dan , 1,5%-ǵa deıin tómendedi.
Ulttyq valıýtadaǵy depozıtterdiń jyldyq ósimi boıynsha Kaspi Bank kósh bastap tur, mundaı salymdardyń 2016-2017 jyldardyń shilde aıyndaǵy qorjyny 211,9 mlrd. teńgege (71,3%), 509,1 mlrd. teńgege ósti.
Saralanymdaǵy jyldyq mólsherleme syıaqysy 8,0-den 13,2%-ǵa deıin túrlenedi. Eń joǵarǵy mólsherleme ATF Bankte - 13,2%, odan keıin Eýrazııa banki - 13,1% jáne Tsesna Bankinde- 13,0%.
