Qazaqstandyqtardyń shyǵyny bir jylda 19% artty
NUR-SULTAN. QazAqparat - Bıylǵy jyldyń ekinshi toqsanynda ortasha eseppen halyqtyń aqshalaı shyǵyndary bir adamǵa shaqqanda 197,6 myń teńgege jetti, bul bir jyl burynǵy kórsetkishten 18,5% kóp, dep habarlaıdy QazAqparat finprom.kz-ke silteme jasap.
Salystyrý úshin aıta keteıik, ótken jyly bul shyǵyndar 166,7 myń teńgeni qurady, bir jylda 4,8% artyp otyr.
Bul rette azyq-túlik taýarlaryna jumsalǵan shyǵyndar – 12%, azyq-túliktik emes taýarlaryna – 24%, aqyly qyzmetter shyǵyndary 35% ulǵaıdy.
Óńirlik bóliniste eń kóp shyǵyn Almatyda tirkeldi: jan basyna shaqqanda 275,5 myń teńgeni quraǵan, jyldyq ósim — bir jylda 17,7%. Aqshany eń kóp jaratqan óńirler arasynda Qaraǵandy (247,2 myń teńge, jylyna 22%) jáne Pavlodar (237,3 myń teńge, plıýs 30%) oblystary da atap ótildi.
Tabysyn eń az jumsaǵan Túrkistan oblysynyń turǵyndary: 133,7 myń teńge – bir jyl burynǵydan 25% kóp.
Shyǵyndardyń negizgi bóligi — 92,7% - halyqtyń tutynýshylyq qajettilikterin óteýge jumsalǵan: 183,2 myń teńge, bir jyl burynǵyǵa qaraǵanda 18,6% kóp. Onyń ishinde 105,6 myń teńge azyq-túlik taýarlaryna, 45,2 myń teńge azyq-túlik emes taýarlarǵa, 32,4 myń teńge aqyly qyzmetterge ketti.
