Qazaqstandyqtardyń satyp alý qabileti tómendegen
ASTANA. QazAqparat - QR óńirlerinde jaldamaly qyzmetkerlerdiń tabysy ótken jylmen salystyrǵanda, 4 paıyzǵa tómendegen. Halyqtyń resmı jumysqa ornalasýy artqan, sondaı-aq satyp alý múmkindigi qysqarýda, dep habarlady ranking.kz.
Mamandardyń derekterine sáıkes, Qazaqstan óńirlerinde eńbek naryǵy keńeıý ústinde. Bir jylda jaldanǵan jumyskerlerdiń sany 40 myń adamǵa artqan. Qazaqstandyqtardyń ózekti saýdasy - jekemenshik úı satyp alý. Tabystyń azaıýy óńir turǵyndarynyń satyp alý múmkindigin tejeýde. QR oblystarynda turǵyn úı baǵasy joǵary kúıinde qalyp otyr.
Bastapqy da, ekinshi deńgeıli naryqta da 1 bólmeli páter satyp alýǵa qarajat jınaý úshin ortasha statıstıkalyq jumys isteıtin óńir (Astana men Almatyny qospaǵanda) turǵyny ortasha tabyspen kem degende 16 jyl eńbektenýi kerek. Bank kredıti arqyly turǵyn úı satyp alýǵa da jol joq.
Óńirlerden ortasha tabysty qazaqstandyq qalypty bankten jyldyq 17 paıyz stavkamen 15 jylǵa ıpoteka resimdeý úshin aı saıyn jalaqysynyń 62 paıyzyn nemese barlyq bir aılyq bıýdjetin tóleıdi. Bul 80 myń teńgeni quraıdy.
