Qazaqstandyqtardyń salyq boıynsha 64 mln teńgeden astam ósimpuly esepten shyǵaryldy
Bul týraly QR Qarjy mınıstrliginiń Memlekettik kirister komıtetiniń baspasóz qyzmeti habarlady .
Eń belsendi óńir reıtınginde Nur-Sultan qalasy kósh bastap tur. Salyqtyq raqymshylyqty 10 myńnan asa elordalyq paıdalanyp úlgergen.
Al, tólengen bereshek somasy boıynsha Almaty qalasy birinshi orynda. Ońtústik megapolıs turǵyndary 75,6 mln. teńge salyq tóledi. Bul kórsetkish boıynsha alǵashqy úshtikti Túrkistan obl. (35,1 mln.) jáne Almaty obl. (34,2 mln.) túıindep tur.
| Esepten shyǵarylǵan ósimpul kórsetkishi boıynsha Almaty qalasy alda. Qala boıynsha bul soma 18,4 mln. teńgege jetken. Joıylǵan ósipul kólemi 17,7 mln. teńgeni qurap otyrǵan Nur-Sultan qalasy ekinshi orynda. Al, Mańǵystaý oblysynda 4,5 mln.teńge ósimpul esepten shyǵarylǵan. Sonymen qatar, Qostanaı oblysynyń turǵyny kólik salyǵy boıynsha 1,4 mln.teńge kóleminde negizgi bereshek somasyn ótep, 1,07 mln.teńge kólemindegi ósimpul esepten shyǵaryldy. Múlik salyǵy boıynsha jınaqtalǵan 1,2 mln.teńge bereshekti Almaty qalasynyń turǵyny ótegen. Esepten shyǵarylǵan ósimpul – 429 myń teńge. Aqtóbe oblysynda jer salyǵy boıynsha bereshegi bar azamat 51 myń teńge salyq tólep, 43 myń teńge ósimpuldan bosatyldy. | |||
| MKO ataýy | Jeke tulǵalar sany | Tólengen beresi somasy, teńge | Esepten shyǵarýǵa jatatyn ósimpul somasy, teńge |
| Aqmola oblysy | 1 300 | 6 047 170 | 877 423 |
| Aqtóbe oblysy | 649 | 8 620 713 | 1 140 036 |
| Almaty oblysy | 1 102 | 34 277 125 | 2 281 891 |
| Atyraý oblysy | 1545 | 10 416 466 | 1 274 833 |
| Shyǵys Qazaqstan oblysy | 1 083 | 14 170 859 | 971 631 |
| Jambyl oblysy | 472 | 6 633 157 | 777 824 |
| Batys Qazaqstan oblysy | 2 696 | 17 567 651 | 1 985 116 |
| Qaraǵandy oblysy | 1 528 | 9 764 696 | 2 221 457 |
| Qostanaı oblysy | 901 | 9 740 567 | 1 801 492 |
| Qyzylorda oblysy | 427 | 9 572 501 | 830 976 |
| Mańǵystaý oblysy | 436 | 16 737 745 | 4 544 083 |
| Pavlodar oblysy | 3 365 | 12 308 386 | 3 854 233 |
| Soltustik Qazaqstan oblysy | 264 | 4 484 033 | 459 121 |
| Túrkistan oblysy | 2239 | 35 164 162 | 2 087 629 |
| Shymkent qalasy | 226 | 10 024 295 | 2 884 365 |
| Almaty qalasy | 2 934 | 75 599 712 | 18 408 700 |
| Nur-Sultan qalasy | 10 171 | 14 236 000 | 17 730 927 |
| Qorytyndy | 31 338 | 295 365 239 | 64 131 737 |
Aıta keteıik, Salyqtyq raqymshylyq jasaý merzimi – 2020 jylǵy 31 jeltoqsanǵa deıin jalǵasady.
«Ósimpuldy esepten shyǵarý úshin eshqaıda barýdyń qajeti joq. Boryshtyń negizgi somasyn tóleý jetkilikti. Ósimpul avtomatty esepten shyǵarylady. Boljam boıynsha, 2020 jyly salyq raqymshylyqty shamamen 1,2 mln. azamat paıdalanady, ıaǵnı bıýdjetke 12,7 mlrd. teńge tólenedi, esepten shyǵarylatyn ósimpul somasy – 4,3 mlrd. teńgeni quraıdy»,-delingen habarlamada.
Aıta keteıik, s alyqtyq beresheginiń bar-joǵy ekendigi týraly málimetti QR QM Memlekettik kirister komıtetiniń saıtyndaǵy myna silteme arqyly nemese «eSalyq mobile» (AppStore, PlayMarket) mobıldi qosymshasy arqyly tekserýge bolady.
