Qazaqstandyqtardyń rýhanı jańǵyrýy jaıynda ulttyq baıandama ázirlenbek
«Nur Otan» partııasy 2014-2015 jyldary qundylyqtarǵa saraptama júrgizdi. Shamamen 1 600 adam arasynda saýalnama júrgizilip, olarǵa: «Siz úshin eń basty qundylyq ne?» degen saýal qoıyldy. Saýalnamada 21 ustanym bar. Sonyń bastapqy úsheýine qatysqandardyń 75 paıyzy densaýlyqty, 54 paıyzy balany, 47 paıyzy qaýipsizdikti basty qundylyq sanaıtyndyqtaryn bildirgen. Al ózin-ózi damytý, Otanǵa qyzmet etý, otanshyldyq máselelerin basty qundylyq dep sanaıtyndardyń qatary 15 paıyzǵa da jetpeıdi. Sondyqtan bul máselelerdi óz jumysymyzda qaperge alýymyz qajet. Bul jekelegen uıymdardyń zertteýleri bolǵany túsinikti de. Qazir «Rýhanı jańǵyrý» baǵdarlamasy aıasynda júıeli zertteýler uıymdastyrylatyn bolady», - dedi Arman Evnıev.
Osy rette ol «Rýhanı jańǵyrý» jobalyq keńsesiniń zertteý nysanyna aınalǵan kóshi-qon máselelerine qatysty ashyq derekterge de toqtaldy.
«Eger elge 11 900 adam kelse, dál osy kezeńde ketkenderdiń sany 28 200 adamdy qurady. Shyndyǵyn aıtqanda, biz sońǵy 10 jyldyń ishinde kóshi-qonnyń teris saldosy boıynsha rekordtyq kórsetkishke jettik. Bizdi tehnıkalyq mamandyq ıeleriniń, ekonomıster men pegadogtardyń ketkeni aıryqsha alańdatady. Máselen, eger 990 tehnıkalyq maman kelse, bizden ketkeni 4800, 627 ekonomıst kelse, ketkeni 2 700, 537 pedagog kelse, ketkeni 1 700 maman», - dedi ol.
