Qazaqstandyqtardyń Reseı aýmaǵyna kirý tártibine ózgeris engizildi
NUR-SULTAN. QazAqparat - Reseı qazaqstandyqtarǵa RF azamattyǵy bar týystaryna qurlyq arqyly kelýge ruqsat berdi. Bul týraly QazAqparat Qazaqstannyń Reseı Federatsııasyndaǵy Elshiligine silteme jasap habarlaıdy.
Reseı Federatsııasy Úkimetiniń 18.05.2021 jylǵy №1291-r ókimine sáıkes, qazaqstandyqtardyń Reseıge kelýi úshin Reseı azamattyǵy bar jaqyn týystarynyń tizimi keńeıtildi.
Endi Qazaqstan azamattary týystyq qatynasyn rastaıtyn qujattary bolsa, óziniń RF azamattyǵy bar jubaılaryna, ata-analaryna, balalaryna ǵana emes, sonymen birge týǵan aǵalary, ápkeleri, ájeleri, atalary, nemerelerine de qurlyq arqyly kele alady.
