Qazaqstandyqtardyń radıatsııamen lastanǵan jerlerdi tazalaý tájirıbesine japondyqtar qyzyǵýda
ASTANA. QazAqparat - Qazaqstan ǵalymdarynyń radıatsııamen lastanǵan jerlerdi tazalaý tájirıbesine japondyqtar qyzyǵýda. Bul týraly búgin elordada ótip jatqan Azııadaǵy ıadrolyq kooperatsııalar forýmynyń mınıstrler deńgeıindegi 18-keńesi aıasynda suhbat bergen QR Ulttyq ıadrolyq ortalyǵynyń bas dırektory Erlan Batyrbekov aıtty, dep habarlaıdy QazAqparat.
«Bizdiń qatty lastanǵan jerlermen jumys tájirıbemiz búkil álemde talap etilip otyr. Bizge Aljırden áriptesterimiz keldi. Olarda frantsýzdardyń polıgony bar jáne jerdiń lastanýy problemasymen betpe-bet kelip otyr. Olar bizdi ózderine shaqyryp, tájirıbemizben bólisýimizdi ótinýde. Eki aptadan keıin Japonııanyń Atom energııasy agenttigindegi áriptesterimizben arnaıy semınar ótkizemiz. Semınar Semeı polıgonynda jınaqtaǵan tehnologııalarymyzdy, tájirıbemizdi úıretýge arnalady. Budan keıin olar ony ózderiniń ekoologııalyq problemalaryn sheshý úshin qoldanbaq», - dedi Erlan Batyrbekov.
Aıta keterligi , buǵan deıin QR Ulttyq ıadrolyq ortalyǵynyń bas dırektory Erlan Batyrbekov 2023 jyly Semeı polıgonynyń problemasy tolyqtaı sheshiletindigin jáne polıgonnyń barlyq jeriniń 85 paıyzdan astamy aýyl sharýashylyǵy aınalymyna engiziletindigin aıtqan bolatyn.
